移英港男稱快達申請PR資格多人計劃回流 直指香港兩方面比英國：好好多

近日一名移英的港男於社交平台發文分享，指愈來愈多移英港人接近申請英國永久居民（PR）的資格，不少人正計劃在取得身份後「回流香港」。他又直言英國存在兩大問題，強調「香港真係好過英國好多」。

港男直言英國存在兩大問題，強調「香港真係好過英國好多」。AP資料圖片

聲稱有不少人正計劃「回流香港」

有移民英國港男近日在社交平台Threads發文，指「近排感覺到唔少移英港人部署取得PR或BC（英國公民身份）後回流香港」。皆因BNO 簽證「5+1 計劃」實施數年，至今已有愈來愈多移英港人就快達到可申請「PR」門檻，港男聲稱有不少人正計劃「回流香港」。

至今已有愈來愈多移英港人就快達到可申請「PR」門檻，港男聲稱有不少人正計劃「回流香港」。

論「物質富裕」「生活方便」香港好好多

港男列出英國兩大問題，他說要論「物質富裕」及「生活方便」，起碼在這一刻，「香港真係好過英國好多」。他坦言得要回流香港並不容易，「唔少移英港人已經喺英國買咗屋，移民過程亦用咗好多錢，回流返港，安頓香港生活又要使一大筆，回流條路唔一定易行」。

港男直言英國存在兩大問題，強調「香港真係好過英國好多」。AP資料圖片

有網民表示歡迎

帖文引來網民熱議，有人表示歡迎移英港人回流「梗係歡迎佢哋回流。佢哋點都租住樓先，又或者點都重新要買樓，樂觀啲諗都可以幫到香港樓價」、「好多嘢其實香港都好好」。

不少移英港人留言，稱自己已習慣了當地的生活，一切已穩定，並無回流打算。AP資料圖片

不少移英港人稱並無回流打算

但都有不少移英港人留言，稱自己已習慣了當地的生活，一切已穩定，並無回流打算「我下年都申請PR了。冇打算回流，買咗樓，工作又穩定，生活亦都適應」、「攞咗英藉返香港冇問題，不過有家庭小朋友估計都繼續讀上去，未必返香港讀，咁父母自然就好難返香港」、「可以申請PR未必一定得到PR。PR是發給一些能夠在英國生活，想在英國生活的人。一般要證明在英國有工作，入息達標，才會發PR」、「6年已settled down啦， 仲返香港由頭適應1次，自己玩自己？」、「已經settle down，有份長工，買咗樓，真係唔會考慮回流」。

謝師宴究竟要點着先合適？近日有港媽在Threads分享，自家女兒謝師宴穿她鉤織的裙子。雖然她讚女兒「瘦著得仲好睇」，但有網民認為「真心覺得着呢條去grad din係靚同適合咩⋯⋯」，引起網上就謝師宴穿着進行激烈討論。

近日有港媽在Threads分享，自家女兒謝師宴穿她鉤織的裙子，引起網上就謝師宴穿着進行激烈討論。Threads截圖

媽媽用心鉤織Grad din裙

有港媽在Threads發文並配圖表示，「阿女謝師宴， 著左我條好耐以前勾好嘅裙，佢瘦著得仲好睇， 加多條絲帶交果更好」。從圖片可以看出，女兒所穿的白色裙子整條都是鉤針編織。正面看略帶有海邊渡假的波西米亞洋裝，後頸位則有大白色蝴蝶結作略綴，增添一絲優雅感。

正面看略帶有海邊渡假的波西米亞洋裝，後頸位則有大白色蝴蝶結作略綴，增添一絲優雅感。Threads圖片

正面看略帶有海邊渡假的波西米亞洋裝，後頸位則有大白色蝴蝶結作略綴，增添一絲優雅感。Threads圖片

網民認為太causal

雖然是媽媽的心血之作，但似乎很多網民都認為謝師宴穿成這樣不適合，原因不外乎認為鉤織裙不屬正裝，「呢條去海邊度假配頂草帽會啱feel好多」、「其實後面睇都還好，前面真係成個帥奶咁」、「真心着依條裙去grad din唔太OK。實在有啲娘，會唔會太似枱布？」、「唔啱場合穿戴唔啱佢嘅野會令佢比同學仔笑好耐」、「如果小六係非常靚，如果中六就有d太casual 」。有網民更是比喻這條裙像鋼琴罩。

網民建議着更為正式的晚宴裙。Threads截圖

有網民更是比喻這條裙像鋼琴罩。Threads截圖

女兒喜歡就是絕世好裙

同時，有網民撐媽媽，表示「條裙十分好睇！希望媽媽唔好被啲comment影響自己，如果個女鍾意著嘅，咁佢就係100分嘅絕世好裙」、「切合年紀 斯文優雅」、「好靚，唔要頸鏈更好，更優雅」。